يا ميمتي ما عاد وجهي تقشعي
ولا عاد تندهلي يا بيي يا حنون
ولا عاد يا خيي بمنامتنا سوا
ولا عاد يا خيتي جنب منك أكون

يا بيي يا بيي يا بيي يا بيي يا بيي يا بيي
يا بيي كتير تعبت معايي
وكنت السند بمرضي ودوايي
رغم شغلك يا بيي ما تركتني
تساهرني ولا تغمضلك جفون

ما قصرتو يا بيي بطريقي
وانيسي كنت بمصابي وصديقي
لكن ها لدهر يا ناس غدار
زرع دربي أبرمع راس مسموم

و يا أمي يا حنوني يا أصيلي
سهراتك معايي مانا قليلي
دقت الليل بالآهات والآخ
ونحيبك بالدعي للرب مقرون

يا عمامي ويا عماتي أماني
ع أهل البيت لا ضنوا بحناني
وبأيام الشدايد ياعمامي
كونوا لبويي خير مخزون

يا خالاتي ويا خوالي الغوالي
اسمكون دوم ما يفارق خيالي
كنتوا أهلنا ويالنعم منكون
كنتوا سندنا وكنتوا معوني

يا خييي يا خييي يا خييي يا خييي

يا خييي كنت خييي وكنت بيي ورفيقي
وحيد بقيت بالدنيا يا خيي
ع أهلك ضل يا خيي حنون

يا خياتي الغوالي يا حبايب
أخوكم صار عن هالدني غاييب
بويي وميمتي وصيي عزيزة
احفظوها بعينكون جوا الجفون

يا ربعي ويا أهلي ويا قرايب
ابنكون صار جوا القبر دايب
بخاطركون يا أهلي واخواتي
ما عاد تشاهدوني بالعيون

يا ابني يا ابني آخ يا بنيي يا بنيي

يا ابني الدارمن بعدك مظلماي
حزينة والدهر يا ابني مظلماي
عميت ع البكي عيني عيني ما ضل ماي
وبعدك قلبنا ع الهجر داب

رحل بكير رحل بكير ابني بعيد عنا
وتركنا القلب حسرا عنا
بعد عنك يا روحي يا جادو يا جادو يا بنيي
بعد منك يا روح الروح عنا
دمعها نَبت الخرسا أعشاب

حرام تغيب عن أهلك حرامي
حزين بغيبتك يا ابني حرامي
لك يا دهر يا أكبر حرامي
ليش تفرق بعون الأحباب

نار الحزن بقلبي يا عالم
نار الحزن بقلبي ترى شاق
وراسي من هوى الدهري
يا دهري ترى شاق
ع ابني ع جادو الغاب عن عيني ترى شق
وغدا يا حسرتي بعاد الغْراب

التعازي الحارة لأهل المرحوم فقيدنا الغالي جاد أحلى زهرة واحلى وردة بسقلب

سامي حكمت فرحة

نشرت بتاريخ: السبت 21 أغسطس 2010 @ 08:17 ص